Nur Mut

Miley Cyrus...eifach nur WOW! Ihri Typveränderig isch absolut glunge! Mängmal mussmer eifach muetig und offe für Neus sii...sich neu erfinde..

Me gsehts ihrne Bilder a, wie sie ihre neui Look liebt und wie wohl sie sich fühlt. 

Ich sälber han scho mehreri Typveränderige gmacht. Han mich für 3-4 Jahr vo mine lange Locke verabschiedet. Und ab sind's gsi. Vom Churzhaarschnitt, zum Französische Bob bis zum Undercut.. Es isch unglaublich wie positiv die Veränderige ufgfale sind, und wieviel besser ich mir sälber gfalle han.

Schminke macht me Spass, me probiert Neus us. D'Garderobe veränderet sich mit, und mir Girls wüssed genau wieviel Spass das macht :D

Ich gsehns uf de Strass, im Tram, bim Shoppe oder bim Käfelä, so viel Fraue verstecked sich hinder lange Haar obwohl öpis chürzers oder e neui Haarfarb, ihri Schönheit unterstriche wür. 

Schöni Gsichter söllmer zeige und Haar wachsed ja wieder :)

Girl's be brave